- Sjá má allar uppl. um vornámskeiðið sem hefst 23.apríl í sér flokki hér neðst á síðunni.

FORSKÓLI  3-6 ÁRA

1x í viku í 12 vikur, hver kennslustund er 40 mín. 

Kennsla fer fram í húsnæði skólans í Skipholti 50c, Grafarvogi og í Kópavogi.

Forskóli er fyrir börn á aldrinum 3-6 ára. Raðað er í hópa eftir aldri,  3-4, 4-5 og 5-6 ára.

Nemendur sækja tíma einu sinni í viku, um helgi eða á virkum degi. 

- Sjá allar upplýsingar um tíma og daga fyrir hvern aldurshóp fyrir sig hér til hliðar. 

Hvað viljum við fá út úr náminu? 

Börnin læra undirbúningsæfingar í klassískum ballett sem hæfa aldri þeirra og þroska. Æfingar og spor eru útfærð í gegnum litla látbragðsdansa og skemmtilega leiki. 

Tímarnir eru þroskandi og skemmtilegir og veita þjálfun í samhæfingu líkamans og efla mikið hreyfiþroskann. Börnin læra einnig æfingar sem liðka og styrkja líkamann. Þau læra að telja í takt við tónlist, vera í röð og fylgja settum reglum.

Foreldrasýning í sal í lok annar á haustönn.

Nemendasýning í Borgarleikhúsinu á vorönn. 

Hámark 18 í hóp, alltaf 2 kennarar. 

Skráning er bindandi.